尋晚三點先訓........今朝起身個人好散.........
返到Warren就即刻講有咩要做，
要中午前搞掂.........唔理幾眼訓都當堂醒哂........

工作如期做好，不過仲有好多等緊我...........

原來今日已經星期四........呢個星期快得咁緊要.......

聽Déborah講，預定12月19日，
全公司去Adam大屋開Christmas Party~~~~~~
唉呀，我過左杜拜囉...............

今晚終於打爆左隻GTASA.........真係襟玩，玩左成年都有

依然好忙.........不過都一路做一路傾MSN......
Lunch後好眼訓......
三點零頂唔住要出去買[爽浪]，食住頂眼訓.........

睇左出年牛年運程............講到我不知幾好..........
升官發財，又正桃花年..........
如無意外，出年都係呢度過架啦.........可以有幾大變化？

同Déborah一齊行返屋企，佢父母下月尾黎Cape Town，
佢亦都做到下月尾就完成實習期，
佢都話好唔捨得，仲剩返一個月時間.........
之後12月就同父母遊南非，自己留到過埋聖誕就返法國
真係幸福~~~~~

聽完佢講，我都check返我12月既行程，
我12月10號就飛去杜拜，到23號先返香港.........
前後扣埋飛機都留差唔多12日
無得吉 o急 咁返香港補給添........

呢排日日都未到七點就醒...........
但又唔係訓得多喎.......

忙足成日.......仲有好多排住隊等緊我......

收工時Déborah話去WaterFront.......
係喎，我都仲未去買本書，不過又唔記得帶個書名，
自己去又唔清楚邊度搭車.........
問佢會唔會經書店，佢話唔知，因為同朋友一齊，
無咩特別要做..........
諗住返屋企send本書名俾佢.......都係唔好煩佢啦.......
又唔急既，搵日叫Warren放工車我去囉~~~~~
抄定本書名係電話度先..........

呢兩日識左個同月同日生日既馬拉朋友Cassandra
初初見到我msn時，佢都俾我依家張相嚇親......呵
返到黎同佢傾左陣，好奇怪既女子，
唔使返工唔使返學.........不過我都無再問咁深入.........
初初佢facebook add我時，仲以為係Cloud~~~~
上次電話後，我封email Cloud都無覆返我.......
下次再問下佢有無其他聯絡方法先~~~~~~
不過好奇怪，點解馬來西亞咁多人識講廣東話既？........

學緊都學唔識撻手指........玩左成日，玩到隻手指都痛.........

呢期懶怠期，懶到連夜晚睇片都無心機........
放左工咩都唔想做.........但又唔願訓.........

要積極返D........太浪費時間啦.......

全日都做樓上個model.......
呢度內部野裝修野，都做得咁detail......
好似有d o徒時間~~~~~~

Déborah同我講delete左佢個tag後仲收到email，
不過佢唔係介意，只係講聲俾我聽......
阿邪仲話呢度係Hong Kong Culture........
不過經過Déborah留一留言，應該告一段落囉........

近來經常唔記得自己幾多歲.........
每次俾人問起都要計一計先知.........

年紀愈大，愈了解同人相處之道，
但愈了解就愈覺得太複雜，太麻煩..........
倒不如一個人還樂得輕鬆..........

如果我對感情生活還有憧憬，
就一定不會離開香港，到南非工作生活~~~~~

我唔會講咩終生不娶，做和尚之類既白痴宣言，
將來既事無人會知，但一定唔會係呢一刻，
而我亦都唔相信會發生係呢度~~~~~~~

在這裡差不多已有一年，工作和生活上已適應和習慣，
但適應歸適應，心態上仍然只係一個過客既身份.........
即使日後有可能繼續留下來工作，亦都沒想過要在這兒落地生根.......

至少.......呢一刻我真係咁諗~~~~~~

十點後起身.........茅盾好唔好去沙灘........
諗起又要執野，又要行去搵車，又要迫車，
去到一個人又無得落水...........
諗到呢度已經覺得好麻煩唔想去.............

而且同阿邪傾多兩傾都晏，算罷啦.........
我始終都係一個好怕麻煩既人..........

上星期張合照留言仍然繼續.......
甚至去到有少少失控地步，尤其阿No果D........
Déborah夜晚終於現身留言，
問我地以後可唔可以用英文留言，
因為佢一日收到超過12個email有關呢度留言，
但無一個佢睇得明........
咁我覆返佢會delete左佢個tag，咁就唔會再收到email.......
真係夠啦............我覺得有d羞家囉............

夜晚MSN見到Heidi媽........傾左一陣.........
佢盤生意竟然一d保安措施都無...........
一味淨係想慳得就慳............
以我過來人身份，過左少少野俾佢.........

呢個女人真係坎坷...........屋漏兼逢夜雨.......
阿邪講過，佢俾個男人害死.........
我始終都覺得佢係俾自己害死，個男人固然之係唔好，
但由此至終，條路都係佢自己揀，
我覺得個男人無逼過佢.........
因為我好主觀相信，係個男人眼中，
Heidi媽既地位係等同於雞肋...........
咁佢又點會咬住Heidi媽唔放呢？
而可以肯定既係，Heidi媽一定唔係咁諗先囉.........

夜D有一段時間上唔到網......仲以為無哂quota.......
好彩沖完涼出返黎又上得返.........不過真係要慳D使.......

訓到十一點先醒........但訓到周身無力..........

好好天氣..........但真係無乜動力出街..........
咩都留返聽日先算啦，今日咩都唔想理，唔想做..........
連星期一洗完拎返黎既書都未拎出黎掛...........

成日係度煲[幽遊白書]，竟然煲到恰眼訓........
但做唔出訓晏覺呢種行為............

黎左生活咁耐，今日真係覺得有D悶..........

今日到Chad放假，終於有返一日寧靜~~~~~~

忙足成日.......四點零趕起一份........
但樓上3D圖要星期一中午前搞掂..........
算，今日做到好累......都係唔ot啦.......
星期一應該搞得切，聽日返唔返.....聽日先算.......

呢排成日俾班口痕友講我同Déborah有野........
我講到口水都乾........愈描愈黑.........
每次都係咁........我稍為同一個女性朋友熟少少，
就講到天花龍鳳，曉飛咁劑..........小學生談戀愛咩？
起哄下，講多兩講就會鍾意人咩？

聽日做咩未決定，好好咁訓一覺先算，
可以有自然醒既睡眠，有時真係幾奢侈~~~~

訓訓下又醒左........
想睇下電話幾點時，先發現無拎過電話出黎set鬧鐘.......
都唔知好彩定唔好彩..........睇過先得五點零.........
之後攤返低半睡半醒之間，hea到七點前就起身~~~~~~~

返去趕埋份PowerPoint，就著手樓上office個model........
下畫同Warren走上走落，諗點樣整果六張摺檯...........
呢期室內設計都玩埋...........

收到email，重申公司工作時間係8:30am-5:00pm.......
果然Murray落黎坐左幾日，就有事發生.........
不過唔關我事，我每日最遲都係八點七就返到..........
最大劑既都係Chad，佢住得比較遠，要一個鐘先返到公司.......
之前俾佢九點半先返到公司，但呢幾日Murray係度，
佢都八點九前就返到......其實香港大把人返工返超過一個鐘車程啦........
但有幾多人可以因為咁而可以晏返？
老實講，住得遠係自己問題，唔係公司問題.........
呢間公司之前實在太free啦.......依家感覺開始慢慢收緊返~~~~
Free唔係唔好，但識得自律咪得囉，唔係就唔會長久...........
Govan都係愈黎愈離譜先被飛...........

今日仲有少少頭赤，同Aaron & Déborah返屋企時，
佢地叫我返到去就即刻訓..........唔使呀話？
咁早訓就一定無可能，唔夜訓就應該會既........

終於睇哂全套[螢之光]，幾鍾意個結局~~~~~~

十二點前做好哂要做既野，就沖涼訓覺~~~~~~

尋晚終於訓左一覺好既........
起身除左仲有少少頭赤外都好精神~~~~~

尋日Warren唔得閒，今朝叫Warren上sever睇相，
條死佬睇完Skype問我：Where're the nude pics?
我答返佢：No nude pics in here, War!!!!
跟住兩個人都笑左出黎.......其他人都問我地笑咩野........
當然我地無答笑咩野啦~~~~~~

呢排旅行完，Déborah多左係Skype同我傾閒計，
唔知係咪因為咁，Warren突然行埋黎俾左張紙仔俾我睇，
記得上面大概寫住：everyone can see your skype history in the office
佢見我明白就扔左張紙仔...........唔係呀嘛？
好彩無講過咩唔見得光既野姐..........

晏D多左份presention做，始終對powerpoint仲未熟........
不過收工前總算做起九成~~~~~~
自己趕返屋企，今日Agent又帶人黎睇樓~~~~~

食完飯就趁仲記得打多兩日既旅行日記~~~~~
夜D MSN提醒Déborah小心D係skype講野~~~~~~~
我聽日有機會都會問下Warren究竟係咩一回事？

Déborah話佢阿媽都最鍾意佢床上面數錢果張~~~~~~
我都話呢張㊣架啦~~~~

尋晚太夜訓........赤上加赤，仲有少少周身骨痛........
仲要由尋晚到朝已經肚痾左兩三次，好似想發病咁..........

Facebook既相果然引起迴響........
Déborah都問我D中文留言講咩，因為只要tag左佢既相，
一有留言佢都會收到email........我都唯有老實講返俾佢聽，
因為佢自己都有其他香港朋友，無得亂吹............

擺左近二百張相同三段video係公司sever俾同事睇，
好多人睇完瀑布段片都爆笑，因為Déborah既演出實在太出色~~~~

係公司愈做愈辛苦，頭又赤、胃又滯......曾經考慮中午早走..........
不過中午出外行下又無咁辛苦...........

Warren要我熄電腦起layout，要我試下唔用電腦下會點........
我不嬲都唔係好靠電腦起layout架啦..........
橫豎都係，之後索性坐左去Govan舊位做野，張檯大D好用D~~~~

晏D Warren叫左我同Chad一齊上樓上office幫手，
原來準備大執呢度，變做正式既office~~~~~~
經過一輪搬搬抬抬，Murray上黎扑搥就正式做野，
我同Lee將全office度尺，用黎係電腦度3D化........
之前裝修所學既總算大派用場，至少有概念要知道D咩尺寸先~~~~

勞動完，返埋位個人又再唔舒服.........
準時五點就同Déborah走，返到去拿拿聲食少少沙律，
十點前食完藥就上床訓.........